Condito orbe, gentiumq; multitudine repleto, Gigantes ad cataclysmum usq; Sardinia, aliasq; Mediterranei maris insulas incoluisse, ex Beroso (si verus est eius, qui fertur libellus) satis constat. Illis demum ex magni diluvij aquis extinctis anno ab orbe condito 1657. ut Ohilo, Moyses, & Io. Lucidus, quos sequimur, supputant, Sardiniae solitudo est sequuta, quae eodem Beroso teste ad annos 564 duravit.